Qostanaıda bes avtokólik soqtyǵysty

QOSTANAI.QazAqparat –Búgin Qostanaı jáne Tobyl qalalary arasyndaǵy tasjolda birneshe kólik soqtyǵysty, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna súıensek, oqıǵa 21 jeltoqsan kúni saǵat 15:00 shamasynda bolǵan. «102 pýltine «Qostanaı-Tobyl» avtojolynda 5 avtokóliktiń qatysýymen bolǵan jol-kólik oqıǵasy týraly habarlama kelip tústi. «Toyota Alphard» avtokóligi qarsy qozǵalys jolaǵyna shyǵyp, «Volkswagen Golf», «LADA Granta», «Volkswagen Sharan» jáne «LADA Priora»avtokólikterimen soqtyǵysqan.

Jol apaty saldarynan «Volkswagen Sharan» avtokóliginiń jolaýshysy alǵan jaraqatynan oqıǵa ornynda kóz jumdy. Birneshe adam túrli dene jaraqatymen emhanaǵa jetkizildi», delingen vedomstvo habarlamasynda.

Qazir jol-kólik oqıǵasy boıynsha tergeý sharalary bastaldy.