Qostanaıda «Belarýs» traktorlary qurastyrylady
QOSTANAI. QazAqparat - Qostanaı qalasynda «Kostanay Invest 2018» atty óńirlik ınvestıtsııalyq forým bastaldy, dep habarlaıdy QazAqparat.
Forýmda oblysqa ınvestıtsııalardy tartý, óńir ekonomıkasy jáne monoqalalardy damytý máseleleri talqylanady. Qazaqstannan jáne shet elderinen delegattardyń kelýi kútiledi. Іs-sharaǵa QR Aýyl sharýashylyǵy birinshi vıtse-mınıstri Arman Evnıev, Investıtsııalar jáne damý mınıstrliginiń komıtet tóraǵasy Almas Batanov Qazaqstan damý banki basqarmasynyń tóraǵasy Bolat Jámishev jáne ulttyq kompanııalar basshylary, memlekettik organdar men dıplomatııalyq korpýs ókilderi, halyqaralyq qarjy ınstıtýttary ókilderi qatysýda.
Meımandar aldymen Qostanaı qalasyndaǵy ındýstrııalyq aımaqqa bardy. Olar aýyl sharýashylyǵy zaýytynyń jumysymen tanysty. Oblys ákimi Arhımed Muhambetov aıtqandaı, munda "Belarýs" traktorlary qurastyrylady. Joba quny - 2 mlrd teńge. Qajetti qural-jabdyqtar Mınsk traktor zaýytymen kelisim arqyly shetelderden alynady. Qazirdiń ózinde 30 jumysshy ındýstrııalyq aımaqta traktor qurastyrýdy bastap ketti.
«Kostanay Invest 2018» forýmy eki kúnge jalǵasady. Kásipkerlerdiń qatysýymen 19 memorandýmǵa qol qoıylmaq. Investorlar oblysqa 251 mlrd teńge ınvestıtsııa salýǵa nıetti.
Búgin forým qatysýshylaryna shaǵyn jáne orta bıznesti damytý taqyryby boıynsha sheberlik saǵaty josparlanǵan.
Eske salsaq, byltyrǵy ınvestıtsııalyq forýmda 200 mlrd teńge bolatyn 26 memorandýmǵa qol qoıyldy.
