Qostanaıda barlyq baǵyttaǵy joldar ashyldy
QOSTANAI. QazAqparat - Qostanaıdaǵy respýblıkalyq jáne oblystyq mańyzǵa ıe barlyq joldar ashyldy, dep habarlaıdy QazAqparat.
Aqparatty oblystyq TJD baspasóz qyzmeti rastady. Eske salsaq, aıazǵa baılanysty birneshe tas jol jabylǵan bolatyn.
«Qazir barlyq baǵyttaǵy tas joldar ashyldy. Al Arqalyq-Amantoǵaı aralyǵynda turyp qalǵan kólikter janar-jaǵarmaımen qamtamasyz etildi. Budan bólek jergilikti atqarýshy organdar qutqarýshylarmen birge basqa baǵyttardaǵy ondaǵan kólikterge kómek kórsetti», - dedi TJD baspasóz hatshysy Ýálıhan Dosanov agenttik tilshisine.
Onyń sózinshe, jolda turyp qalǵan kólik júrgizýshilerdiń barlyǵy aldyn ala eskertý habarlandyrýlaryn alǵan.
«Kólik júrgizýshilerine alys saparlarǵa shyǵýdan bas tartýdy eskertkenbiz. Alaıda, kóbisi ózdiginshe sheshim qabyldap, jolǵa shyǵyp ketken. Zardap shekkender joq. TJD qyzmetkerleri qala syrtyndaǵy joldardaǵy kezekshilikti jalǵastyrady», - dedi Dosanov.
Eske salsaq, aýa raıynyń nasharlaýyna baılanysty oblysta TJD jedel shtabtary iske qosyldy.
