Qostanaıda bankır turǵyndardyń atynan nesıe alǵan
QOSTANAI. QazAqparat - Qostanaı oblysy polıtsııa departamenti qyzmetkerleri azamattardy aldap, nesıe alǵan alaıaqty qolǵa túsirdi, dep habarlaıdy QazAqparat.
Oqıǵa Lısakov qalasynda bolǵan.
«25 jastaǵy bank qyzmetkeri klıentterdiń qujattarynyń kóshirmesin jasaǵan. Sodan soń osy qujattar arqyly shaǵyn nesıe alyp otyrǵan. Aqshany jeke maqsattaryna jumsady», -delingen polıtseıler taratqan habarlamada.
Qazirgi ýaqytta polıtsııaǵa bank qyzmetkeriniń «qurbany» bolǵan 4 jábirlenýshi aryz jazdy. Kúdikti Lısakov turǵyndaryna jalpy somasy 500 myń teńge zalal keltirgen.
Qazir osy fakt boıynsha sotqa deıingi tergeý júrgizilýde.
