Qostanaıda bank qyzmetkeri 87 mln teńgeni jymqyryp, elden qashyp ketken
QOSTANAI. QazAqparat – «Eýrazııalyq bank» AQ Jitiqara qalalyq fılıalynyń qyzmetkeri 87 mln teńge urlap, Qazaqstannan qashyp ketken, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, kúdikti 12 qarasha kúni Reseı Federatsııasynyń shekarasynan ótip ketken.
«Kúdiktige qatysty QR Qylmystyq kodeksi 189-babynyń, 4-bóliginde kózdelgen (Kinálige senip tapsyrylǵan bóten múlikti ıemdenip alý nemese talan-tarajǵa salý, ıaǵnı jymqyrý) qylmys belgileri boıynsha sotqa deıingi tergeý bastaldy. Onyń bank kassasynan 87 mln teńgeni urlap ketkeni anyqtaldy», - dep habarlady vedomstvonyń baspasóz qyzmetindegiler.
Qazirgi ýaqytta kúdiktini ustaý sharalary bastaldy.
