Qostanaıda balasyn qudyqqa tastaǵan áıel izdestirilýde
QOSTANAI. QazAqparat - Qostanaı oblystyq ІІD Fedorov aýdanynda qudyqtan tabylǵan nárestege qatysty málimdeme jasady, dep habarlaıdy QazAqparat tilshisi.
Qostanaılyq polıtseıler jańa týǵan sábıin qudyqqa tastaǵan anany izdestirip jatyr.
«2 sáýir kúni saǵat 19:15-te Fedorov aýdany Keńaral aýylynyń turǵyny qudyqtan shaqalaqtyń denesin kórgen. Bul fakt QR QK 100-baby («Jańa týǵan balany anasynyń óltirýi») boıynsha sotqa deıingi tergep-tekserýdiń biryńǵaı tizilimine endi. Saraptamalar taǵaıyndaldy», - dedi oblystyq ІІD baspasóz hatshysy Irına Bejener.
Eske salsaq, búgin atalǵan faktini QazAqparat tilshisine QR UQK 2031 shekara bólimi komandıriniń orynbasary Rahmedın Ýájıtov rastaǵan bolatyn.
