Qostanaıda balalarǵa jolda júrý erejesin úıretetin elektrondy oqýlyq jasaldy
ASTANA. QazAqparat - Qostanaı polıtseıleri «Órleý» biliktilikti kóterý ulttyq ortalyǵymen birlesip, «Orta mektep muǵalimderine arnalǵan JJE boıynsha tsıfrlyq resýrs» ınnovatsııalyq jobasyn tanystyrdy, dep habarlaıdy Qostanaı oblysynyń ishki ister departamenti.
Endi jolda júrý erejesin elektrondy oqýlyq kómegimen úıretýge bolady. Ony muǵalimder ǵana emes, ata-analar da qoldana alady.
Joba avtorlarynyń biri «Órleý» biliktilikti kóterý ulttyq ortalyǵynyń Qostanaıdaǵy fılıalynyń dırektory Marıonella Slesar atalǵan resýrstyń ınnovatsııalyq ekenin atap ótti. Budan bylaı jolda júrý erejesi balalarǵa qyzyqty ádispen úıretiledi.
Bul qurylǵyǵa Qostanaı oblysy ІІD Jergilikti polıtsııa qyzmeti qoldaý bildirip, ony oqý protsesine engizýde kómektesetin boldy. Oblystyq ІІD Jergilikti polıtsııa qyzmetiniń basshysy, polıtsııa polkovnıgi Nyǵmet Ismaǵulov atalǵan jobanyń balalardyń jolda jaraqattaný sanyn azaıtyp, barlyq jolda júrý qatysýshylaryn qaýipsizdikke úıretetinin atap ótti.
Qazirgi ýaqytta qazaq jáne orys tilderinde býklet shyǵaryldy, oǵan qosymsha baǵdarlamasy bar dıskiler tirkelgen. Aldaǵy ýaqytta bul elektrondy oqýlyqtar Qostanaı oblysynyń ǵana emes, respýblıka mektepterine taratylady. Sondaı-aq, ony «Órleý» ortalyǵynyń saıtynan júktep alýǵa bolady.
