Qostanaıda balalardyń kózinshe sheshingen er adam jurtty shoshytty
QOSTANAI.QazAqparat - Zatobol aýdanynda balalardyń kózinshe sheshingen er adam jurttyń ashýyna tıdi, dep habarlaıdy QazAqparat tilshisi.
Taltúste áýretti jerin kórsetken er adam jasóspirimderden keshirim surady. Onyń sýreti men beınejazbasy «Vkontakte» áleýmettik jelisinde jarııalandy. Arsyz áreketke barǵan jigit aǵasy jeli oqyrmandarynyń qytyǵyna tıdi. Oqıǵa kýágerleriniń aıtýynsha, ol jasóspirimderden qashyp ketpekshi bolǵan.
«Ersi áreketke barǵan er adammen sóılestik. Ol bizden keshirim surady. Іshimdik paıdalanbaǵan. Kıim kıisi jaqsy. Biraq, balalardyń kózinshe mundaı qylyq jasaǵandyqtan ony jaýapqa tartý kerek dep oılaımyn. Tipti, vıdeoda onyń shalbarynyń túımesin salmaǵanyn anyq kórýge bolady», - dedi Maksım Pavlenko esimdi kýáger.
Al psıhologtartyń sózinshe, mundaı adamdardy ǵylymda eksgıbıtsıonıst dep ataıdy.
«Eksgıbıtsıonızm jasandy jáne shynaıy bolyp eki túrge bólinedi. Shynaıy degenimiz - osy áreketti jasaǵan kezinde óz-ózin baqylaýda ustaı almaıtyndar. Mundaılardyń psıhologııalyq syrqaty bolýy múmkin. Al jasandy eksgıbıtsıonızm adamnyń óz qalaýymen jasalatyndyqtan, kóp jaǵdaıda buzaqylyq is-áreket retinde tanylady», - deıdi «Psychologists together» psıhologııalyq ortalyǵynyń mamany Gúlnur Meıramqyzy.
Áleýmettik jelidegi beınejazbany Qostanaı oblystyq ІІD baspasóz qyzmetine jiberdik.
