Qostanaıda balalar úıiniń túlekteri zańdy baspanalaryna ıe boldy

ASTANA. QazAqparat - Qostanaıda balalar úıiniń túlekteri zańdy baspanalaryna ıe boldy. Bul týraly búgin Ortalyq kommýnıkatsııalar qyzmetindegi brıfıngte Respýblıkalyq arnaıy monıtorıngtik top tóraǵasynyń orynbasary Rafael Gasanov aıtty, dep habarlaıdy QazAqparat tilshisi.

"Qostanaı oblysynda turǵyn úı alý túrindegi memlekettik qoldaý boıynsha balalar úıiniń túlekteriniń quqyǵy buzylǵan. Sonymen qatar, túlekter zańdy sharshy metr alý quqyǵy týraly aqparatty bilmegendikten 5 jyldan astam turǵylyqty jeri bolmaǵan", - dedi ol.

Alaıda, onyń aıtýynsha, arnaıy monıtorıngtik top músheleriniń aralasýymen BAQ-ta osy másele qozǵalyp, olarǵa jataqhanadan 5 bólme túrinde kómek berildi.

«Memlekettik turǵyn úı qorynan áleýmettik jaǵynan álsiz toptarǵa turǵyn úı berý - búgingi kúni óte ótkir másele. Bizdiń top sybaılas jemqorlyq quqyq buzýshylyqty boldyrmaý, barlyq óńirlerde obektıvtilik pen ashyqtyq úshin Baıqaý keńesiniń quramyna engizý boıynsha usynystar berdi, búgingi kúni bul másele qaralýda», - dedi R.Gasanov.