Qostanaıda balabaqshanyń bas esepshisi sot zalynda qamaýǵa alyndy
QOSTANAI. QazAqparat - Qostanaı oblysynda aýyl balabaqshasynyń bas esepshisi 7 jylǵa bas bostandyǵynan aıyryldy, dep habarlaıdy «QazAqparat» tilshisi.
Zatobol kentindegi «Gúlder» balabaqshasynda bas esepshi bolyp jumys istegen 56 jastaǵy Svetlana Matsqa ózgeniń múlkin jymqyrdy degen aıyp taǵyldy.
Іs derekterinde kórsetilgendeı, bóbekjaı dırektory ınternet-bankıngtiń elektrondy kiltin bas esepshi Svetlana Matsqa senip tapsyrǵan. Al Svetlana Mats qyzmetin asyra paıdalanyp, óz jalaqysyn kóterý arqyly aqsha urlap otyrǵan. Osylaısha, 2014 jyldyń qańtarynan 2017 jyldyń tamyzyna deıin ol óz esebine 5 mıllıon 113 myń teńge aýdaryp alǵan. Onyń ishinde memlekettik bıýdjetten bólinetin esepshottan ózine 3 411 168 teńge aýdarǵan. Qalǵan aqshany ata-analardan túsetin shottan jymqyrǵan. Bul qarajat balalardyń tamaqtanýyna jumsalýy kerek-tin.
Qostanaı aýdandyq sotynyń úkimimen Svetlana Mats QR QK 189-baby, 4-bóligi, 2-tarmaǵy boıynsha 7 jylǵa bas bostandyǵynan aıyryldy. Buǵan qosa onyń múlki tárkilenetin bolady. Burynǵy bas esepshi sot zalynda qamaýǵa alyndy.
Úkim zańdy kúshine engen joq.
