Qostanaıda balabaqshaǵa elektrondy kezekke turýǵa bolady

QOSTANAI. QazAqparat - Qostanaı oblysynda kúzge qaraı búldirshinderdi balabaqsha kezegine qoıýdy elektrondy rejımge ótkizý josparlanyp otyr. Bul týraly bilim basqarmasynyń basshysy Bátıma Daýmova málim etti, dep habarlaıdy QazAqparat tilshisi.

Oblys ákimi Arhımed Muhambetov kóktemde 2018 jyldyń sońyna deıin Qostanaı, Lısakov, Rýdnyı qalalaryndaǵy balabaqsha kezegine qoıý memlekettik qyzmetin elektrondy rejımge kóshirýge tapsyrma bergen.

«Búgingi tańda máslıhattyń oblystyq sessııasy Qostanaıdaǵy balabaqsha kezegin 1 qyrkúıekke deıin elektrondy rejımge kóshirýge 24,5 mln teńge qarjy bóldi. Basqa qalalar men aýdandardaǵy jaǵdaı boıynsha áli naqty aqparat joq», - dedi B. Daýmova.

Vedomstvonyń málimetine súıensek, qazirgi kezde oblystaǵy 3 jastan 6 jasqa deıingi balalardyń 99,7%-y balabaqshamen qamtylǵan. Bıyl memlekettik-jekemenshik seriktestik aıasynda qosymsha 505 oryn ashý josparda bar.