Qostanaıda balabaqsha esepshisi 21 mln teńgeni jymqyrǵan
QOSTANAI. QazAqparat - Qostanaı oblysyndaǵy Zatobol kentinde úsh jyl boıy memleket aqshasyn qaltasyna «basyp» kelgen qyzmetkerge qatysty sot otyrys ótti, dep habarlaıdy QazAqparat tilshisi.
Іs materıaldaryna súıensek, Zatoboldaǵy «Petýshok» balabaqshasynda esepshi qyzmetin atqarǵan Álııa Dosymbaevanyń 2015-2017 jyldary 21 mln teńgeden astam qarjyny jymqyrǵany anyqtaldy. Ol 2015 jyly - 7 313 890 teńge, 2016 jyly - 7 288 472 teńge jáne bıyl 7 173 790 teńge memlekettik qarajatty óziniń jeke esepshotyna aýdarǵan.
Sot otyrysynda jaýap bergen balabaqsha dırektory Ekaterına Fedorova burynǵy esepshisine sengenin aıtty. Tipti, elektrondy kilt te esepshiniń qolynda bolǵan.
Aýdandyq prokýratýra qyzmetkeri aıyptalýshy Álııa Dosymbaevaǵa qyzmetin asyra paıdalanyp, qylmys jasaǵany úshin QR QK 189-babynań 4-bóligi, 2-tarmaǵy negizinde 6 jylǵa bas bostandyǵynan aıyrýdy surap otyr.
Sot sheshimi 20 qazanda qabyldanady.
