Qostanaıda Azıada alaýy sherý tartyp keledi
QOSTANAI. 20 qańtar. QazAqparat /Petr Plahotnıkov/ - Búgin Qostanaıda Azıada alaýynyń sherýi bastaldy. Oblys ortalyǵy osy sporttyq oıyndardyń sımvolyn qarsy alyp otyrǵan Qazaqstannyń 16 qalasynyń toǵyzynshysy bolyp otyr.
Alaý Qostanaıǵa keshe keshke arnaıy charterlik reıspen jetkizildi. Búgin taltúste ol Qostanaı kóshelerinde paıda boldy. Estafetanyń birinshi satysy qostanaılyq Sıtı-ortalyqtan bastaý aldy. Azıada alaýyn qala kóshelerinde 60 alaýger alyp júredi, olardyń arasynda tanymal sportshylar, sport jýrnalısteri, oblysta sport qozǵalysyna belsendi qoldaý kórsetip otyrǵan azamattyq qoǵamnyń jáne bıznes-qurylymdardyń ókilderi bar.
13 saǵat 30 mınýttan bastap eki saǵat boıyna Sıtı-ortalyqta Azıada alaýy arnaıy kesede janyp turady. Qostanaılyqtar men qala qonaqtary osy aıtýly sharaǵa zor qyzyǵýshylyq tanytýda. Estafetanyń ekinshi satysy Sıtı-ortalyqtan bastaý alyp, Sport saraıyndaǵy gala-kontsertpen aıaqtalady. Onyń sońynda Azıada alaýy saltanatty túrde Petropavlǵa attandyrylady.
