Qostanaıda áıel júrgizýshi mektep mańynda balany qaǵyp ketti
QOSTANAI. QazAqparat - Qostanaı qalasynyń №23 orta mektep mańynda jol-kólik apaty oryn aldy. 10 jasar qyz jaraqat alyp, aýrýhanaǵa jetkizildi. Bul týraly Qostanaı oblystyq ІІD baspasóz qyzmetinen habarlady.
«Jol-kólik oqıǵasy 12 qyrkúıekte shamamen saǵat 18-de Maıakovskıı jáne Bykovskıı kósheleriniń qıylysynda oryn aldy, - delingen habarlamada. - Balany qaǵyp ketken «Lada Granta» markaly avtomobıldi áıel adam basqardy. 2006 jyly týǵan qyz jaıaý júrginshiler jolaǵy arqyly joldan ótken. Japa shegýshi Qostanaı oblystyq balalar aýrýhanasyna jetkizildi. Onda búldirshinniń ishi jaraqattanǵany belgili boldy».
Avtomobıl júrgizýshisi medıtsınalyq kýálandyrýdan ótti. Nátıjesinde onyń aǵzasynan alkogol tabylmady.
Japa shekken oqýshy tıisti medıtsınalyq kómek aldy, qyzdyń jaǵdaıy turaqty, onyń ómirine esh qaýip tónip turǵan joq.
Polıtsııa sotqa deıingi tergeý amaldaryn júrgizýde.
