Qostanaıda áıel ótirik málimetterdi jetkizgeni úshin 100 myń teńge kóleminde moraldyq shyǵyn óteıdi
QOSTANAI. QazAqparat - Quqyq qorǵaý organdaryna ótirik málimetterdi jazyp jetkizgen Qostanaı turǵynyna sot aldynda jaýap berýge týra keldi. Kórineý jalǵan ótinishtiń avtory jábirlenýshiniń paıdasyna moraldyq shyǵyndy óteý úshin 100 myń teńge tóledi. Bul týraly Qostanaı oblystyq sotynyń baspasóz qyzmetinen habarlady.
Atap ótkende, «azamatsha T. quqyq qorǵaý organdaryna azamatsha M-dy kásipkerlik qyzmetpen zańsyz aınalysqany, eki azamattyǵy bar bola turyp paıda tapqany úshin ony qylmystyq jaýapkershilikke tartý ótinishimen shaǵymdandy. Budan basqa, áıel «Qostanaı qalasy boıynsha memlekettik kirister basqarmasy» RMB-na da kásipkerlik qyzmetti tekserý ótinishin jazǵan. Sol arqyly ol azamatsha M-ge qıyndyq týǵyzady. Sonyń saldarynan sońǵysyna Qostanaı qalasynan shyqpaı, talaı ret túsiniktemeler berýge, qorǵaýshy jaldaýǵa týra keldi, sonymen qatar onyń talaı ret prokýratýraǵa shaqyrylǵany habarlanady.
Jábirlenýshi abyroıy men namysyn qorǵaý ótinishimen Qostanaı qalalyq sotyna shaǵymdandy. Ótinishte ol jaýap berýshini ózinen keshirim surap, ózine keltirilgen moraldyq jáne materıaldyq zııandy óteýin talap etti.
Sot qaraýynyń qorytyndylary boıynsha, sot jaýap berýshini 100 myń teńge kólemindegi somany tóletti. Talap aryzdyń qalǵan bóligin oryndalmady.
