Qostanaıda áıel men er adamnyń arasyndaǵy janjal qaıǵyly aıaqtaldy
QOSTANAI. QazAqparat - Qostanaı oblysynyń Jitiqara qalasynda er adam qurbysyn óltirip, artynsha ózine qol jumsaǵan, dep habarlaıdy QazAqparat oblystyq PD baspasóz qyzmetine silteme jasap.
Belgili bolǵandaı, er adam birge turatyn kelinshekti óltirip, artynsha ózine qol jumsaǵan. Atalǵan juptyń arasyndaǵy buryn da janjal shyqqan. Ótken jyldyń qarasha aıynda kelinshek ekeýara daý-damaıdan soń terezeden sekirip ketpek bolǵan. Alaıda, ol kópqabatty úıdiń balkonyna ilinip qalǵan. Keıin tártip saqshylary kelip, kómek kórsetti. Degenmen, bul jolǵy urys-keristiń sońy qaıǵyly aıaqtaldy.
«2018 jylǵy 19 jeltoqsanda Jitiqara qalasyndaǵy jeke turǵyn úılerdiń birinen er adam men áıeldiń óli deneleri tabyldy. Ólimniń naqty sebep-saldaryn anyqtaý úshin QR QK 99 jáne 105-baptary boıynsha sotqa deıingi tergep-tekserý amaldary júrgizilip jatyr», - delingen vedomstvonyń baspasóz habarlamasynda.
