Qostanaıda áıel adam skýterden qulap kóz jumdy
QOSTANAI. QazAqparat - Qostanaıda jol-kólik oqıǵasy saldarynan 1988 jyly týǵan áıel kóz jumdy, dep habarlaıdy QazAqparat.
Aqparatty oblystyq ІІD baspasóz qyzmeti rastady. Oqıǵa «Qostanaı-Rýdnyı» tasjolynda bolǵan.
«Skýter mingen 33 jastaǵy Qostanaı qalasynyń turǵyny rólge ıe bola almaı, bordıýrge soǵyldy. Saldarynan skýterde otyrǵan 30 jastaǵy jolaýshy áıel tasjolǵa qulaǵan. Alǵan soqqy saldarynan ol oqıǵa ornynda kóz jumdy», - dep habarlady ІІD baspasóz qyzmetindegiler.
Skýter júrgizýshisi aýyr dene jaraqattarymen qalalyq aýrýhanaǵa tústi. Qazirgi ýaqytta QR QK 345-baby («Jol qozǵalysy erejeleriniń buzylýy») boıynsha sotqa deıingi tergep-tekserý sharalary bastaldy.
