Qostanaıda avtoturaqtaǵy kólikterdi sharbaqpen birge syrlap tastaǵan
ASTANA. QazAqparat - Qostanaılyqtardyń avtoturaqta qoıylǵan kólikterin olardyń ruqsatynsyz syrlap tastaǵan, dep habarlady Alau.kz.
«6 mamyr kúni tańerteń turaqtaǵy kólikterimizge shyǵyp, olarǵa usaq aq daqtar juǵyp qalǵanyn baıqadyq. Kólikterimiz sharbaqtyń janynda turǵan. Anyqtalǵandaı, ony tańǵy 6-da búrikkishpen nemese bronsboıtpen syrlaǵan. Jel qatty bolǵandyqtan, boıaý kólikke shashyraǵan!», - deıdi zardap shekken Olga Vermenıcheva.
Kólik ıeleri syrdy ketirý úshin kólik jýatyn jerlerge barǵan, biraq nátıje bolmaǵan. Keıin kýzov jumystary boıynsha mamanǵa júgingen. Olar mashınanyń syrtyn ysyp, jyltyratýǵa keńes bergen, ol da kómektespedi.
Sondaı-aq Olganyń aıtýynsha, avtokólikter tehnıkalyq qyzmet kórsetý stansysynyń aýmaǵyndaǵy arnaıy bekitilmegen turaqta turǵan. TQS ıesimen jasalǵan kelisim boıynsha olar kólikterin sonda qaldyrady.
Zardap shekkender ýchaskelik polıtseıge júginip, fakti boıynsha aryz jazdy.
