Qostanaıda avtokrannyń mas júrgizýshisi avtobýs aıaldamasyn qıratty
QOSTANAI. QazAqparat - Qostanaı oblysynda avtokran júrgizýshisi baǵandy qulatyp, avtobýs aıaldamasyn soqqan, dep habarlaıdy QazAqparat tilshisi oblystyq ІІD baspasóz qyzmetine silteme jasap.
«Medıtsınalyq tekseris kezinde anyqtalǵandaı, júrgizýshi kólikti mas kúıinde basqarǵan. Quqyq buzýshyǵa qatysty ákimshilik hattama toltyryldy. Ol QR ákimshilik quqyq buzýshylyq týraly kodekstiń «Kólik quralyn mas kúıinde júrgizý» baby boıynsha aıyptaldy», - dep jazdy vedomstvonyń baspasóz qyzmeti.
Apat kezinde avtobýs aıaldamasynda adamdar bolmaǵan, avtokran júrgizýshisi de jaraqat alǵan joq.
