Qostanaıda avtokólik órtenip, júrgizýshisi qaza tapty
QOSTANAI. QazAqparat - Qostanaı oblysynda jeńil avtokólik órtenip, bir adam kóz jumdy, dep habarlaıdy QazAqparat.
Aqparatty oblystyq polıtsııa departamenti rastady. Oqıǵa 14 naýryz kúni keshke «Qostanaı-Sarykól» tasjolynda bolǵan.
«32 jastaǵy Altynsarın aýdanynyń turǵyny «VAZ-2111» avtokóligimen Obaǵan aýylyna shyqqan. Kóligi tas jol ústinde órtenip ketken. Aldyn ala boljam boıynsha, kisi ólimi kómirqyshqyl gazynyń áserinen bolǵan», - deıdi polıtsııa departamenti taratqan habarlamada.
Qazirgi ýaqytta órt-tehnıkalyq saraptamasy taǵaıyndaldy. Zertteý jumystary júrgizilýde.
