Qostanaıda avtobýs mekteptiń qorshaýyna soǵyldy
QOSTANAI. QazAqparat - Qostanaıda avtobýs mektep qorshaýyn soǵyp ketti. Jol-kólik oqıǵasyna Qostanaı qalasynyń 39 jastaǵy turǵyny kináli bolyp shyqty, dep habarlaıdy QazAqparat Qostanaı oblystyq polıtsııa departamentiniń baspasóz qyzmetine silteme jasap.
«Kólik apatynyń sebepterin anyqtaý barysynda avtobýstyń 54 jastaǵy júrgizýshisi joldyń qarsy jolaǵynda kele jatqan «Hıýndaı Aktsent» kóligimen soqtyǵysyp qalmaý úshin solǵa qaraı burylyp, № 23 mekteptiń qorshaýyna soǵylǵandyǵy málim boldy. Al «Hıýndaı Aktsent» kóliginiń 39 jastaǵy júrgizýshisine qatysty QR Ákimshilik quqyq buzýshylyqtar týraly kodekstiń 610-baby boıynsha (Kólik júrgizýshileriniń jol qozǵalysy erejelerin buzý) ákimshilik materıal jınaldy», dep túsindirdi polıtsııa departamentinen.
Keltirilgen shyǵyn kólemi anyqtalyp jatyr, al jol apatyna kináli azamat 20 AEK kóleminde aıyppul tóleıdi nemese kólikti alty aıǵa deıin júrgizý quqyǵynan aıyrylady.
Eske sala keteıik, 21 qańtar kúni Maıakovskıı kóshesinde avtobýstyń qatysýymen jol-kólik apaty oryn alǵan.
Janna Musabaeva
