Qostanaıda avtobýs qaǵyp ketken er adam qaza tapty
QOSTANAI. QazAqparat - Qostanaı qalasynda 37 jastaǵy er adamdy avtobýs qaǵyp ketti, dep habarlaıdy QazAqparat kstnews.kz saıtyna silteme jasap.
Qaıǵyly oqıǵa túste «ІІM akademııasy» aıaldamasynda bolǵan.
Qostanaı oblystyq densaýlyq saqtaý basqarmasynyń Qoǵammen baılanys jónindegi menedjeri Ksenııa Jylqybaevanyń aıtýynsha, jedel járdemge jol apaty jóninde qońyraý 12:40-ta kelip túsken. Sol jerge jetken brıgada avtobýstyń artqy dóńgeleginiń astynda qalǵan er adam kórgen. Basynan aýyr jaraqat alǵan er adam mert bolǵan.
Oblystyq polıtsııa departamentiniń baspasóz qyzmeti oqıǵaǵa qatysty málimet berdi.
«21 qarashada saǵat 12:36-da Abaı kóshesindegi aıaldamada baǵdarlyq avtobýs júrgizýshisi 37 jastaǵy qostanaılyqty qaǵyp ketti. Jaıaý júrginshi sol jerde qaza tapty», delingen habarlamada.
Osy oqıǵa boıynsha QR Qylmystyq kodeksiniń 345-baby boıynsha sotqa deıngi tergeý amaldary júrgizilip jatyr.
