Qostanaıda avtobýs qaǵyp ketken 60 jastaǵy er adam kóz jumdy
QOSTANAI. QazAqparat – Qostanaı qalasynda er adam qoǵamdyq kóliktiń astynda qalyp qoıdy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, qaıǵyly oqıǵa qaladaǵy KSK shaǵyn aýdanynda bolǵan.
«Qostanaı qalasy polıtsııa basqarmasy «Soltústik» bóliminiń qyzmetkerleri №13 avtobýs júrgizýshisine qatysty is qozǵady. Ol 60 jastaǵy qala turǵynyn basyp ketken. Jábirlenýshi aýyr jaraqattan oqıǵa ornynda kóz jumdy», - deıdi vedomstvonyń baspasóz qyzmetindegiler.
Qazir osy fakt boıynsha tergeý bastaldy, jol-kólik oqıǵasynyń mán-jaıy anyqtalýda.
