Qostanaıda avtobýs aıaldamasyna soǵylǵan «Aýdı» júrgizýshisi kóz jumdy
QOSTANAI. QazAqparat – Qostanaı qalasynda «Aýdı» markaly avtokóliktiń júrgizýshisi aıaldamaǵa soǵylyp, qaza boldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe oqıǵa búgin saǵat 06:00 shamasynda Qostanaı-Rýdnyı jolynda bolǵan.
«Aýdı» avtokóliginiń 23 jastaǵy júrgizýshisi rólge ıe bola almaı, avtobýs aıaldamasyna soǵylyp, joldan shyǵyp ketti. Jol apaty saldarynan júrgizýshi kóz jumdy. Polıtseıler men basqa da múddeli organdar oqıǵa ornyna jumyldyryldy» delingen polıtsııanyń baspasóz habarlamasynda.
Qazir tártip saqshylary oqıǵanyń mán-jaıyn anyqtap jatyr. Keshendi tergeý jumystary bastaldy. Sonymen qatar oqıǵanyń kýágerleri izdestirilýde.
