Qostanaıda avtobýs 80 jastaǵy qartty qaǵyp óltirdi

QOSTANAI.QazAqparat – Qostanaı qalasynda qoǵamdyq kólik 80 jastaǵy áıeldi qaǵyp ketti, dep habarlaıdy QazAqparat oblystyq Polıtsııa departamenti baspasóz qyzmetine silteme jasap.

Oqıǵa 28 jeltoqsanda saǵat 13:30 shamasynda Qostanaı qalasynyń «ıÝbıleınyı» shaǵynaýdanynda bolǵan.

«Dızel zaýytyna qaraı baǵyt alǵan 56 jastaǵy qoǵamdyq kólik júrgizýshisi 80 jastaǵy áıeldi qaǵyp ketti. Jaıaý júrginshi júrýge ruqsat etilmegen aımaqty kesip ótpek bolǵan. Aýyr dene jaraqaty saldarynan zeınetker oqıǵa ornynda qaza boldy», - delingen polıtsııanyń resmı habarlamasynda.

Qazir osy derek boıynsha tekserý jumystary júrgizilýde. Avtobýs júrgizýshisi qan tapsyryp, tekserýden ótedi.