Qostanaıda aýyl jastarynyń forýmy ótti
Atalǵan is-sharaǵa oblysqa qarasty ár aýdannan kelgen belsendi jastar qatysty. Jobanyń maqsaty - aýyldyń gúldenýine túrli salada úles qosyp júrgen jas mamandardy odan ary shabyttandyra túsip, eńbek joldaryna baǵyt-baǵdar kórsetý. Forým barysynda bilikti sarapshylar 300 jasqa semınar ótkizdi. Basty uıymdastyrýshylar - Qostanaı oblysy jastar isi ortalyǵy mamandarynyń aıtýynsha, mundaı forým jastardyń kásibı túrde ósýine, ómirlik ustanymdaryna baǵyt kórsetýge múmkindik beredi.
«Bul forým ótkizilgen óskeleń urpaqty otansúıgishtik pen eńbekke baýlıdy. Oblysqa ǵana emes, elimizge tanymal sarapshylar ózderiniń ómir joly, qyzmeti týraly málimet beredi. Elbasymyz eldiń bolashaǵy jastardyń enshisinde ekenin árdaıym aıtyp júredi. Keleshegimiz kemel bolýy úshin de osyndaı sharalar jalǵasa beredi», - dedi uıymdastyrý alqasynyń múshesi, «100 jańa esim» jobasynyń úmitkeri Arman Esmaǵambetov.
Aýyl jastarynyń forýmynda «Bizdiń zamanymyzdyń maqtanyshtary» atty kitap kórmesiniń tanystyrylymy ótti. Qatysýshylar eńbek ardagelerimen kezdesý múmkindigine ıe boldy.
«Tarıhta talaı aýyr kezeńder bolǵan. Shet jaǵasyn ózimiz de kórdik. Sol kezderde aıanbaı jumys istep, oblys ataǵyn asqaqtattyq. Mine, sol úshin de eńbegemizi elendi. Barlyǵy adamnyń óz qolynda. Qazirgi kezde eńbek etemin degen jastarǵa eshkim kedergi keltirmeıdi. Memleket te soǵan jaǵdaı jasap otyr, - dedi Qazaqstannyń Eńbek Eri Saıran Buqanov.
Forým sońynda úzdik jas mamandar óńir basshysy Arhımed Muhambetovtiń alǵys hattaryna ıe bolady.
