Qostanaıda aýrýhanalar naýqas balalardy tegin ońaltýdan ótkizbeı qoıǵan

QOSTANAI. KAZINFORM — Qostanaı prokýratýrasy medıtsına mekemeleriniń qyzmetin tekserý barysynda balalardyń quqyǵy buzylǵanyn anyqtady.

Mamandandyrylǵan medıtsına ortalyqtaryna aı saıyn túrli aýrýy bar balalardy ońaltý úshin kvota bólinedi.

Balalar munda tegin ońaltýdan óte alady, alaıda bólinetin kvota kandıdattardyń joqtyǵy nemese sapardan bas tartý sebebinen tolyq kólemde jumsalmaǵan. 

Prokýrorlar kámeletke tolmaǵandardyń zańdy ókilderi arasynda saýalnama júrgizdi. Sol kezde olar mundaı ońaltý múmkindiginen habarsyz bolyp shyqty. 

Mysaly, Qostanaı qalasynda kámeletke tolmaǵan patsıentke «Drýjba» balalar oblystyq ortalyǵynda ońaltýdan ótý usynyldy. Oǵan tegin barýǵa bolatynyn bilmegen balanyń ata-anasy óz qarajaty esebinen ońaltýdan ótken. 

Oblys boıynsha osyǵan uqsas 166 fakt anyqtaldy.

Qazirgi ýaqytta prokýrorlyq qadaǵalaý aktileri boıynsha jergilikti atqarýshy organdar balalardy ońaltýǵa jáne sanatorıı-kýrorttyq emdeýge jiberý úshin shara qabyldap jatyr.