Qostanaıda aýrýhanada kóz jumǵan perzenti úshin anasy 40 mln teńge talap etip otyr

QOSTANAI. KAZINFORM –Qostanaı sotynda azamattyq is qaralap jatyr. Jergilikti áıel aýrýhanada kóz jumǵan sábıi úshin 40 mln teńge moraldyq shyǵyn óteýdi talap etip otyr.

Qaıǵyly jaǵdaı 2024 jyldyń shildesinde bolǵan. Úsh jastaǵy bala magnıt sharıkterdi jutyp qoıyp, Qostanaı qalalyq balalar aýrýhanasyna jetkizilgen. Dárigerler balanyń denesinen operatsııa arqyly 7 bógde zatty alyp tastaǵan. Al qalǵandary mamandardyń sózinshe, tabıǵı jolmen shyǵýy kerek bolatyn. Keıinirek magnıtter eshqaıda jyljymaǵany anyqtalǵan. Osyǵan baılanysty balaǵa qaıta operatsııa jasalǵan.

Bul kezde balanyń asqazanyna zaqym kelgen. Operatsııa jasalyp, magnıttiń alynyp tastalǵanynan qaramastan sábıdiń júregi toqtap qalǵan.

Osy oqıǵaǵaǵa baılanysty qylmystyq is qozǵalyp, sotqa deıingi tergeý júrip jatyr. Sondaı-aq qosymsha saraptama taǵaıyndaldy.

Otbasynyń advokaty Damır Hamıtovtyń aıtýynsha, balanyń anasy Qostanaı qalalyq sotyna shaǵym túsirip, 3 mln teńge materıaldyq, 40 mln teńge moraldyq shyǵyndy óteýdi talap etip otyr.

Oblystyq sot ókilderi azamattyq is qaralyp jatqanyn, tyńdaýlar bolatynyn rastaǵan.

Osyǵan deıin Ekibastuz turǵyny 1 jas 9 aı tolǵan balasynyń dárigerlerdiń qateliginen kóz jumǵanyn, soǵan oraı kináli medıtsına qyzmetkerlerin jazalaýdy suraǵany týraly jazdyq.