Qostanaıda aýyzsýǵa bereshek 42,9 mıllıon teńgeden asty

ASTANA. KAZINFORM — Qostanaıda turǵyndar men basqa da tutynýshylardyń «Qostanaı-Sý» kommýnaldyq kásiporny aldyndaǵy qaryzy 42 mıllıon teńgeden asty. Bul — úsh aıdan astam ýaqyt boıy ótelmegen bereshek. 

Qostanaıda aýyzsýǵa bereshek 42,9 mıllıon teńgeden asty
Foto: Kazinform / Pexels / Freepik

Qala turǵyndary men kásiporyndardyń kommýnaldyq qyzmetterge bereshegi 42,9 mıllıon teńgeden asqan. Qazir «Qostanaı-Sý» mekemesi qaryzdy óndirip alý jumystaryn júrgizip, tólem jasamaǵan tutynýshylarmen jumys istep jatyr.

2026 jylǵy 1 qarashadaǵy málimet boıynsha kásiporynnyń qyzmetin 116 723 abonent paıdalanǵan. Onyń 112 532-si — qala turǵyndary, al 4 191-i — zańdy tulǵalar.

1 shildeden bastap Qostanaıda kommýnaldyq qyzmetterdiń ortasha tarıfteri ósti. Atap aıtqanda, sýmen jabdyqtaý tarıfi 18,3%-ǵa, al sý burý qyzmetiniń tarıfi 29,4%-ǵa kóterildi. Alaıda halyq úshin aýyzsý tarıfi ózgerissiz qaldy.

«Qostanaı-Sý» mekemesiniń málimetinshe, tarıfterdi qaıta qaraý sý jelilerindegi apat sanyn azaıtýǵa, qajetti arnaıy tehnıka men jabdyq satyp alýǵa jáne qarjylyq mindettemelerdi oryndaýǵa múmkindik bergen.

2026 jyldyń alǵashqy toǵyz aıynda 14,2 mıllıon tekshe metr aýyzsý tutynýshylarǵa jetkizilgen. Al sý burý qyzmetiniń kólemi 12,2 mıllıon tekshe metr boldy.

Aıta keteıik, Petropavlda keler jyldan bastap sý tarıfi — 38%, al káriz qyzmeti 12% qymbattaýy múmkin.