Qostanaıda aýyr atletıkadan el chempıonaty bastaldy

ASTANA. KAZINFORM — Búgin Qostanaıda aýyr atletıkadan el chempıonaty bastaldy.

Sportty damytý dırektsııasynan málim etkendeı, atalǵan birinshilik 21 aqpanda máresine jetedi.

Bıyl el birinshiligine 18 óńirden kelgen 242 sportshy (151 er, 91 áıel) jekeleı jáne komandalyq synda baq synaıdy.

Tek Atyraý men Mańǵystaý oblysy ǵana osy jyly komanda jibermedi.

Erler 55, 61, 67, 73, 81, 89, 96, 102, 109 kelige deıin jáne 109 keliden joǵary salmaqtarda, al áıelder 45, 49, 55, 59, 64, 71, 76, 81, 87 jáne 87 keliden joǵary salmaqta kil myqtylardy anyqtaıdy.

«Bıylǵy chempıonat ár óńirdegi daryndy sportshylardy irikteýge múmkindik beredi. Bul — elimizde aýyr atletıkanyń damýyna tyń serpin beretin qadam», -dedi memlekettik jattyqtyrýshy Meńdihan Tápsir.