Qostanaıda áýejaı aýmaǵyndaǵy jylý jelilerinde apat boldy

Tótenshe jaǵdaı Qostanaı áýejaıynyń aýmaǵynda boldy. Jóndeý brıgadalary qalpyna keltirý jumystaryn júrgizip jatyr, dep habarlaıdy Kazinform.

Jergilikti ákimdik apatqa qatysty túsinik berdi. Olar jylý júıesi qalpyna keltirilip jatqanyn, jergilikti turǵyndar jylý úzilgenin sezbeı de qalǵanyn aıtty.

«Búgin Qostanaı halyqaralyq áýejaıynyń aýmaǵynda magıstraldyq jylý jelisinde apat boldy. Oqıǵa ornynda jóndeý brıgadalary jumys istep jatyr. Jylý berý qalpyna keltirilýde», - dep habarlady jergilikti atqarýshy organdardyń ókilderi. 

Qazirgi ýaqytta qysym qalpyna keltirildi, qazandyq qalypty jumys isteı bastady.