Qostanaıda «Audi» markaly 2 kólik janyp ketti
QOSTANAI. QazAqparat - Qostanaıda bir mezette eki kólik otqa orandy, dep habarlaıdy QazAqparat.
Oqıǵa Gashek kóshesinde bolǵan. Kýágerlerdiń aıtýynsha, júrip kele jatqan kóliktiń birinen tútin bilinip, birneshe sekýnd ótkende órt shyqqan. Olar birden órt sóndirýshilerdi shaqyrǵan. Sondaı-aq, turǵyndar órtenip jatqan kólikterdiń beınejazbalaryn áleýmettik jelilerge jarııalaýda. Beınejazbadan janǵan kólikterdiń «Aýdı» markaly ekenin anyq kórýge bolady.
Oqıǵa ornynda Qostanaı oblysy TJD qyzmetkerleri júr. Órtten shyqqan qara tútin birneshe metr aýmaqty qamtyp ketken. Sebepteri anyqtalyp jatyr. Zardap shekkender joq.
Eske sala keteıik, bul Qostanaıda oryn alyp otyrǵan ekinshi iri apattyq jaǵdaı. Keshe qaladaǵy «WEST» túngi klýby janyp ketken edi.
