Qostanaıda aýdan ortalyǵynyń turǵyndary úıdiń sýyqtyǵyna shaǵymdanýda
Buǵan deıin jergilikti BAQ Meńdiqara aýdanyndaǵy aýyl turǵandary 12-14 gradýs temperatýra bolatyn sýyq úılerinde turyp jatqany týraly aqparat jarııalady. Apattyń bir jarym apta buryn bolǵany anyqtaldy. Іsten shyqqan qazan – kepilde bolǵan, tek eki jyl jumys istegen.
Bul oqıǵaǵa qatysty Meńdiqara aýdandyq ákimdiginiń TShK bóliminiń basshysy Nıkolaı Gýlakov túsinik berdi.
«Jaǵdaı óte nashar dep aıtýǵa bolmaıdy. Iá, ondaı oqıǵa boldy. Kópqabatty úılerdi jylytatyn ortalyq qazandyqtaǵy bir qazan isten shyqty. Ol kepilde edi. Merdigerdi kúttik. Olar kelip, qarap, jumys isteýden bas tartyp, ketip qaldy. Jańa qazandyqtar eki jyl buryn, 2020 jyly ornatyldy. Joba quny - 14 mıllıon, ár qazan 7 mıllıon teńge. «Tıtan» JShS 5 jylǵa kepil bergen. Shartqa sáıkes, olar osy merzim ishinde apattyq jaǵdaı bolsa kelip, jóndeýi tıis edi. Biraq olar odan bas tartty», - dedi N. Gýlakov.
Qazir ákimdiktiń zań qyzmeti osy máselemen aınalysyp jatyr. Eger saraptamadan keıin qazandar jaramsyz bolyp tanylsa, sot protsesi bastalady.
«Endi biz óz kúshimizben ekranyn, qazandyqtyń ishindegi shirigen qubyrlaryn kesýdi bastadyq. Sol jerden sý ketken. Tesikterdi ýaqytsha dánekerlep bitep qoıdyq. Ázirge qazandyq jartylaı qýatpen jumys istep jatyr. Sondaı-aq biz shart jasasý úshin patentteri bar qazandyq óndirýshi uıymdarmen kelissózder júrgizdik. Kompanııa týraly sheshim qabyldandy. Olar qazirdiń ózinde qazandyq jasaýǵa kiristi. Eki apta ishinde bul máseleni sheshý josparlanýda», - dep túsindirdi N. Gýlakov. B
Buǵan deıin Arqalyq JEO-da apat bolǵany habarlanǵan edi.
Foto: www.ng.kz
