Qostanaıda átir tıelgen júk kóligi janyp ketti
QOSTANAI. QazAqparat - Qostanaı oblysynda parfıýmerııa qoraptary tıelgen júk kóligi otqa orandy, dep habarlady QazAqparat.
Oqys oqıǵa 1 aqpan kúni «Qostanaı-Fedorov» tasjolynyń boıynda bolǵan. Kýágerler janyp jatqan kóliktiń beınejazbasyn Youtube jelisine saldy.
Al oblystyq TJD baspasóz qyzmeti habarlaǵandaı, átir tıelgen júk kóliginiń tirkemesi túgeldeı janyp ketken.
«1 aqpanda saǵat 18:42-de Ozernoe selosynyń mańynda «VOLVO FH 12» júk kóliginiń janyp jatqany týraly habarlama kelip tústi. Oqıǵa ornyna jeke quramnyń 5 órt sóndirýshisi men eki arnaıy tehnıka jumyldyryldy. Parfıýmerııa ónimderi tıelgen júk kóliginiń tirkemesi órtenip ketti», - dep habarlady TJD baspasóz hatshysy Merýert Balǵına agenttik tilshisine.
Belgili bolǵandaı, jalyn 20 sharshy metr aýmaqty sharpyǵan. Zardap shekkender joq. Órt sol kúni saǵat 21:30 shamasynda sóndirildi.
