Qostanaıda astyrtyn kazıno anyqtaldy

QOSTANAI. QazAqparat - Qostanaı oblysy boıynsha Ekonomıkalyq tergep-tekserý departamenti Qostanaı qalasyndaǵy kafelerdiń birinen astyrtyn kazınony anyqtady, dep habarlaıdy QazAqparat QR QMA baspasóz qyzmetine silteme jasap.

Qostanaı oblysy boıynsha Ekonomıkalyq tergep-tekserý departamenti jedel-izdestirý sharalary barysynda Qostanaı qalasy aýmaǵynda zańsyz oıyn bıznesin uıymdastyrǵan uıymdasqan qylmystyq top qyzmetiniń jolyn kesti.

Astyrtyn kazınonyń qala jertóleleriniń birinde qyzmet etkeni anyqtaldy.

Tergeý múddelerine sáıkes basqa aqparat jarııa etýge jatpaıdy.

Azamattar arasynda qumar oıynǵa táýeldiliktiń paıda bolý sebepterimen kúresý maqsatynda QR Qarjylyq monıtorıng agenttigi oıyn bıznesiniń zańsyz túrlerin anyqtaý boıynsha turaqty negizde jumys júrgizýde.