Qostanaıda astyq ınternetpen satylyp jatyr
Bıyl Qostanaı oblysynda astyq bitik shyqty. Dıqandar alqaptardyń 80 paıyzyn oryp bitti. Olar gektaryna 11 tsentnerden ónim aldy. Jospar boıynsha 5 mln tonna bıdaı qambaǵa quıylmaq.
Endi egin ónimderin sharýalar arnaıy saıt arqyly da sata alady. Qostanaılyq kásipker Dmıtrıı Bajýtov oılap tapqan jańa saıt aqparattardy jedel jarııalap, kásipti damytyp, dóńgelet arnalǵan. Qazirdiń ózinde saıtqa 9 myńnan astam habarlama engizilgen. Álemniń 79 elinen 12 myń jeli qoldanýshysy saıt jumysymen tanysyp úlgeripti. Kóptildi júıe qazaqstandyq aýylsharýashylyǵy ónimderin óndirýshilerge sheteldik áriptesterimen tyǵyz baılanys ornatýǵa zor múmkindik beredi.
«Saıtqa qytaı tilin engizý de josparda bar.
Sondaı-aq, arab tilindegi nusqasy jasalady. Qazirdiń ózinde orys tilinde jarııalanǵan habarlamany ırandyq, aýǵanstandyq qoldanýshylar óz tilderinde oqyp otyrady», - dedi saıt avtory.