Qostanaıda áskerı bólimniń eks-maıory para alǵany úshin sottaldy
ASTANA. QazAqparat - Qostanaı garnızonynyń áskerı soty QK-niń 366-baby 3-bóliginiń 1-tarmaǵymen (laýazymdy adammen aıtarlyqtaı mólsherde qorqytyp alý jolymen para alýy) kózdelgen qylmysty jasaǵan úshin sottalǵan 6697 sandy áskerı bólimniń burynǵy jaýyngerlik daıyndaý bólimshesiniń bastyǵy maıor T-ǵa qatysty úkim shyǵardy.
Úkim áskerı bólimde, jeke quramnyń men BAQ ókilderiniń qatysýymen jarııalandy, dep habarlaıdy QR Áskerı sotynyń baspasóz qyzmetinen.
Qylmystyq istiń materıaldary boıynsha maıor T. laýazymdy tulǵa bola tura 2016 jylǵy 9 jeltoqsanda, Qostanaı qalasynda, bopsalaýshylyq arqyly atalmysh áskerı bólimniń kelisimshart boıynsha áskerı qyzmetshisi efreıtor S-dan, jalpy qamqorlyq jasaý úshin 150 000 teńge kóleminde para alǵannan keıin, sybaılas jemqorlyqqa qarsy qyzmetiniń qyzmetkerlerimen qolǵa ustalǵan.
Sot úkimimen áskerı qyzmetshi T. aıyptalǵan qylmysty jasaǵany úshin kináli dep tanylyp, oǵan múlikti tárkileýimen, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, oǵan paranyń jetpis eseligi kólemindeı - 10 500 000 teńge aıyppul jazasy taǵaıyndaldy.
Qylmystyq kodekstiń 49 -babyna sáıkes sottalýshy «maıor» áskerı ataǵynan aıyryldy.
Úkim zańdy kúshine engen joq.
