Qostanaıda arhıvti qujattar sandyq júıege kóshirilýde
Oblystyq arhıvter jáne qujattar basqarmasynyń basshysy Baıbosyn Mýrzınniń aıtýynsha, qazirgi kezde qundy jádigerlerdi saqtaý sapasyn arttyrý ózekti bolyp otyr.
"Ulttyq qundylyqtar qazynasy, sandyq tehnologııalar jetistikterin qoldanýda qarqyndy jumys jasaýymyz kerek. Sonyń biri - qujattardy sandyq júıege kóshirý", - dedi ol.
Tarıhı jádigerlerdiń qaınar kózi - muraǵatta jalpy sany bir mılıonnan astam memlekettik mańyzy bar qujat saqtalǵan. Oblystyq arhıv salasynda barlyǵy 235 qyzmetker jumys isteıdi, onyń 109-y - joǵarǵy bilimdi, bilikti mamandar.
Basqarma basshysy málimetine súıensek, jyl saıyn memlekettik mekemelerden muraǵatqa 20 myńnan astam qujattar kelip túsedi. Olar keıin arnaıy tekseristen ótkizilip, qujattar qoımasyna tapsyrylady.
Qoljetimdilikti arttyrý maqsatynda sandyq júıege kóshý jumystary qarqyndy júrgizilip keledi. Alǵashqy kezekte erekshe qundy qujattar skanerden ótkizilýde. Búginde memleket saqtaýynda turǵan 5500 fotosýret pen 125 myń qaǵaz qujat tsıfrlyq formatqa kóshirildi.