Qostanaıda ardagerlerge mereke qarsańynda 150 myń teńgeden beriledi

QOSTANAI. QazAqparat - Qostanaıda UOS ardagerlerine beriletin aqshalaı qarjynyń kólemi bekitildi, dep habarlaıdy «QazAqparat» HAA tilshisi.

Qostanaı qalalyq ákimdiginiń jumyspen qamtý jáne áleýmettik baǵdarlamalar bóliminiń sektor meńgerýshisi Lıýbov Shvydkonyń aıtýynsha, soǵys ardagerleri men múgedekterine jergilikti bıýdjetten 150 myń teńge beriledi. Al, olardyń jesirleri, Lenıngrad turǵyndary, tyl eńbekkerleri, kontslager tutqyndary, Keńes dáýirinde jaýyngerlik áreketterge qatysqan adamdar, Semeı jáne Chernobyldaǵy radıatsııalyq áreketten zardap shekkender 5 AEK kóleminde (11 myń 345 teńge) qarjy alatyn bolady.