Qostanaıda ardager polıtseı urylardy ustaýǵa kómektesti
Urlyq faktisi 12 tamyz kúni Jitiqara qalasynda tirkelgen. Belgisiz bireýler 1934 jylǵy zeınetkerdiń úıine basa-kóktep kirip, egde áıeldi sabap, 20 myń teńgesin alyp ketken. Qylmystyń betin ashý úshin jedel-tergeý toby qurylyp, izdeý jumystaryna jiti kiriskenimen, urylardy tabý ońaıǵa túspegen. Zeınetker túngi ýaqytta urylardyń kim ekenin baıqamaı qalǵan kórinedi. Osy kezde ardager polıtseıdiń kómegi tıgen. Aman Altaıuly urlyq oryn alǵan aýdandy jaqsy bilgendikten, kúdikti dep sanaǵan adamdardy polıtsııaǵa kórsetken.
«Jedel izdestirý sharalary barysynda Jitiqara qalasynyń tártip saqshylary 2015 jyldan beri ishki ister organdarynda esepte turǵan 33 jastaǵy kúdiktini qolǵa túsirdi. Ustalǵan adam aıybyn moıyndap, ózimen birge qylmysty jasaǵan 24 jáne 25 jastaǵy eki jigittiń kim ekenin aıtyp berdi. Qazirgi ýaqytta olardyń bári ýaqytsha ustaý oqshaýlaǵyshyna qamaldy», - dep habarlaıdy ShQO ІІD-den.
Jitiqara qalalyq ІІB bastyǵynyń orynbasary Esbergen Júkeev halyqtyń keıde qylmystardyń betin ashýǵa atsalysyp jatatynyn aıtady. Bastyq orynbasary Aman Tulybaevqa kórsetken kómegi úshin alǵys bildirdi.
