Qostanaıda ár aıdyń seısenbisinde dabyl qaǵylady
QOSTANAI. QazAqparat - Qostanaı oblystyq tótenshe jaǵdaılar departamenti tótenshe jaǵdaı týyndaǵan kezde halyqqa eskertý úshin dabyl qaǵý qurylǵylaryn qoldanbaq, dep habarlaıdy QazAqparat.
Ár aıdyń birinshi seısenbisi kúni «Barlyqtaryńyzdyń nazarlaryńyzǵa!» degen dabyl qaǵylady. Tehnıkalyq quraldardy qoldana otyryp, tótenshe jaǵdaılar týraly halyqqa eskertý júrgizý 5 qyrkúıekten bastaldy. Qaladaǵy turǵyn úıler men mekemeler shatyrynda ornalasqan dabyldar saǵat 11-de qosylady.
«Barlyqtaryńyzdyń nazarlaryńyzǵa!» komandasy estilgen kezde turǵyndar radıo nemese dabyldy qabyldaýǵa qol jetimdi quraldardy qosyp, habarlamany tyńdaý kerek. Azamattardan sabyrlyq saqtaýdy jáne eshqandaı áreket etpeýlerin suraımyz» delingen oblystyq TJ departamenti baspasóz qyzmetiniń habarlamasynda.
