Qostanaıda aptap ystyq saldarynan jedel járdem qyzmetine túsetin júkteme artty
ASTANA. KAZINFORM — Qostanaı oblysynda qalyptan tys ystyq aýa raıy saldarynan jedel medıtsınalyq járdem qyzmetine túsetin júkteme aıtarlyqtaı ósti. Sońǵy bir aptada shaqyrtýlar sany aldyńǵy kezeńmen salystyrǵanda shamamen 200-ge artqan.
Oblystyq jedel járdem stantsııasynyń málimetinshe, sońǵy aptada qyzmetke 7 myńǵa jýyq shaqyrtý túsken. Medıtsınalyq brıgadalar olardyń 5692-sine qyzmet kórsetken.
Orta eseppen mamandar táýligine 800-ge jýyq shaqyrtýǵa shyǵady.
Aldyńǵy kezeńmen salystyrǵanda ótinishter sany bir apta ishinde shamamen 200 shaqyrtýǵa kóbeıgen. Mamandar munyń negizgi sebebi retinde óńirdegi aptap ystyqty atap otyr.
Joǵary temperatýra kezeńi bastalǵaly beri kún ótýge baılanysty 35 shaqyrtý tirkelgen.
Sondaı-aq ystyq kúnderi júrek-qan tamyrlary aýrýlaryna shaldyqqan naýqastarǵa, qarttarǵa jáne joǵary temperatýraǵa sezimtal balalarǵa medıtsınalyq kómek jıi qajet bolǵan.
Dárigerler óńir turǵyndaryna kúnniń eń ystyq ýaqytynda uzaq ýaqyt dalada júrmeýge, suıyqtyqty jetkilikti mólsherde ishýge jáne múmkindiginshe ashyq aýadaǵy aýyr dene eńbegin shekteýge keńes beredi.
Aıta keteıik, búgin elimizde 46 gradýsqa deıin aptap ystyq bolady.
