Qostanaıda apatty jaǵdaıda turǵan elevatordyń ǵımaraty buzylady
ASTANA. QazAqparat - Qostanaıda eskirgen elevatordyń ǵımaraty súriletin boldy, dep habarlaıdy alau.kz.
Qostanaı ákimdigi qaraýsyz qalǵan elevator ǵımaratynyń ıesi joq ekendigin habarlady. Balalar tap bolǵan qaıǵyly jaǵdaılardan keıin ǵımaratty súrý jóninde sheshim qabyldandy.
«TJ keıin apatty ǵımaratty joıý jóninde sheshim qabyldandy. Eski ǵımarat ornalasqan jer ýchaskesin jańa nysandardyń qurylysy úshin berýge sheshim qabyldandy», - dep kórsetilgen ákimdikke joldanǵan saýalnama jaýabynda.
Soltústik QR ІІM TJK ÓS jáne AQJ basshysynyń orynbasary Sergeı Shmıdtiń málimdeýinshe, bul ǵımaratqa kirýge bolmaıdy. Ol apatty jaǵdaıda tur.
Aıta keteıik, 15 mamyr kúni Qostanaıda tótenshe jaǵdaı boldy. Eski elevator ǵımaratynda kishkentaı qyz bıikten qulap, aýyr jaraqat aldy. Dál osy ǵımaratta birneshe jyl buryn taǵy bir bala qaıtys bolǵan.
