Qostanaıda apat saldarynan jaryq óshti

QOSTANAI. KAZINFORM – Qostanaıda ondaǵan úı áli kúnge deıin jaryqsyz otyr, dep habarlaıdy Kazinform tilshisi.

Qostanaı ákimdiginiń baspasóz qyzmetiniń málimetinshe, 7, 8, 9-shy shaǵyn aýdandardyń jáne oǵan irgeles kóshelerdiń turǵyndary elektr qýatynsyz qalǵan. Buǵan elektr jelilerindegi apat sebep bolǵan.

Oqıǵa ornynda apattyq brıgadalar jumys isteýde. Mamandar aqaýdy joıý boıynsha sharalar qabyldap jatyr.

Ákimdik ókilderi elektr qýatyn qalpyna keltirý merzimi týraly qosymsha habarlanatynyn aıtty.

Aıta keteıik, buǵan deıin Energetıka mınıstri elektr jelilerin jóndeý ýaqytyly aıaqtalady dep ýáde berdi.