Qostanaıda apat saldarynan bir aýdan jaryqsyz qaldy

QOSTANAI. KAZINFORM – Qostanaıdyń «ıÝbıleınyı» shaǵynaýdanynda elektr qýaty ýaqytsha óshirildi. Tótenshe jaǵdaılar qyzmeti elektr qýatyn qalpyna keltirý jumystaryn júrgizip jatyr. 

Qala ákimdiginiń túsiindirýinshe, «ıÝbıleınyı» shaǵynaýdanynda tańǵy saǵat 8:40-tan bastap elektr qýaty apatty jaǵdaıda sóndirilgen. № 35, 38, 40 jáne 41 kópqabatty turǵyn úıler, sondaı-aq birneshe memlekettik jáne kommertsııalyq nysan áli de elektr qýatynsyz qalyp otyr.

Oqıǵa ornynda apattyq brıgadalar jumys istep, qalpyna keltirý jumystary júrgizilip jatyr. Mamandar elektr qýatyn múmkindiginshe tezirek qalpyna keltirýge ýáde berdi.

Qyrkúıekte Qostanaıda qar jaýyp, birqatar aýdan jaryqsyz qalǵanyn jazǵan bolatynbyz.

Buǵan deıin elimizde 2025 jyldyń qazanynan keler jyldyń naýryzyna deıin elektr energııasy tapshylyǵy aıyna 330 mln kVt/saǵatqa jetýi múmkin ekenin jazǵan edik.