Qostanaıda AN-2 sanavıatsııa ushaǵy apatty jaǵdaıda qondy

ASTANA. KAZINFORM – Búgin qatty boran kezinde Arqalyq qalasynan 1,5 km qashyqtyqta, áýejaı mańynda, Qostanaı – Arqalyq baǵytyndaǵy AN-2 sanıtarlyq avıatsııa ushaǵy apatty jaǵdaıda qonýǵa májbúr bolǵan.

TJM málimetinshe, áýe kemesinde tórt adam bolǵan: eki ushqysh jáne eki dáriger. Oqıǵa týraly habar túskennen keıin Kostanaı oblysynyń TJD órt sóndirýshileri jedel túrde oqıǵa ornyna jiberilgen.

Oblystyq TJD men Arqalyq qalasynda jedel shtabtar qurylyp, jedel jeli júıesi jumys isteıdi.

Qutqarýshylardyń jyldam áreketteriniń arqasynda ushaqtaǵy adamdar aman-esen tabylyp, Arqalyq qalasyna jetkizildi. Jaraqat alǵandar men qaza tapqandar joq. Oqıǵanyń sebepteri anyqtalyp jatyr.

Eske salsaq, keshe Aqtaý mańyndaǵy ushaq apaty boıynsha tergeýdiń esebi jarııalanǵan bolatyn.