Qostanaıda alty jyldan keıin úshem dúnıege keldi
QOSTANAI. KAZINFORM - Qostanaı oblystyq aýrýhanasynyń perınataldyq ortalyǵynda úshem saltanatty túrde shyǵaryldy. Abdrahmanovtardyń otbasynda Aıarý, Ardan jáne Arlan esimdi eki ul men qyz dúnıege keldi, dep habarlady Densaýlyq saqtaý mınıstrliginiń baspasóz qyzmeti.
«Dárigerlerge óte rızamyn. 5 bala týǵanyma qaramastan, bul júktilik erekshe boldy. Maǵan búkil júktilik kezeńinde qoldaý kórsetildi. Perınataldyq ortalyqtyń medıtsına qyzmetkerleriniń adaldyǵy men adamgershiligi máńgi esimde qalady. Dárigerler, meıirgerler men sanıtarlar sizderge basymdy ıemin. Sizderdiń atqaryp jatqan jumystaryńyz baǵa jetpes», - dep jyly lebizin bildirdi úshemniń anasy Aqshagúl Ábdirahmanova.
Sońǵy 6 jyldyń ishinde bul – Qostanaıdaǵy alǵashqy úshem, qala ómirindegi sırek kezdesetin qýanyshty oqıǵa.
Osyndaı otbasynyń tolyǵýy qurmetine qala ákimi otbasy men jańa týǵan nárestelerge oblys ortalyǵyndaǵy jańa páterdiń kiltin tabys etti.
