Qostanaıda Almatynyń Mádenıet kúnderi bastaldy
QOSTANAI. 8 tamyz. QazAqparat - Búgin Qostanaı qalasynda ońtústik astananyń qazaqstan aımaqtaryndaǵy Mádenıet kúnderi aıasyndaǵy sharalar bastaldy.
Olar almatylyq fotograftardyń kórkemdik sýretter kórmesinen bastaldy.
«Almaty - táýelsizdiktiń altyn besigi» ekspozıtsııasyn Qostanaı oblysy ákiminiń orynbasary Serik Bekturǵanov pen Almaty ákiminiń orynbasary Serik Seıdýmanov ashty.
Tanymal sheberler men halyqaralyq baıqaýlardyń laýreattary kórmede ózderiniń birneshe ondaǵan jumystaryn kórsetti. Avtorlar arasynda - V. Lıhanov, ıÝ. Aıbasov, A. Muhamedjanov, A. Haıdarov, O. Ionov, S. Qusaıynov jáne basqalar bar.
Mádenı baǵdarlamany ótkizý úshin Qostanaıǵa Almatydan 70 delegat keldi. Olardyń kóp bóligin arnaıy gala-kontsert pen kóshedegi bı keshine qatysatyn ártister quraıdy. Bul sharalar erteńge josparlanǵan.
Qostanaı qalasynan keıin almatylyqtar osyndaı baǵdarlamamen Petropavlǵa attanady.
