Qostanaıda alǵashqy jyly aıaldama salyndy
QOSTANAI. QazAqparat - Qostanaıda birinshi ret qys mezgiline beıimdelgen aıaldama ashyldy, dep habarlaıdy QazAqparat.
Jańa aıaldama «Kostanay Plaza» saýda, oıyn-saýyq ortalyǵynyń mańynda ornalasqan. Basty ereksheligi - aıaldama ishi jylytylady. Jergilikti bılik ókilderiniń aıtýynsha, aıaldama ishinde qysta +18 gradýs temperatýra saqtalady. Ázirge pılottyq rejımde bir ǵana aıaldama iske qosyldy.
«Bul pavılon beınekameralarmen jabdyqtalǵan. Nysan ishi ortalyq dıspetcherlik pýnkt arqyly baqylanyp otyrady. Aıaldamany eki pesh jyltady», - dedi qalalyq TKSh bólminiń basshysy Alekseı Tarasov.
Aıaldama avtomatty túrde tańǵy saǵat 6:30-da ashylyp, túngi 23:15-te jabylady.
Alekseı Tarasov aıtqandaı, joba quny - 4,5 mln teńge. Qarjyny oblys ortalyǵyndaǵy sharýa qojalyǵy bólgen.
