Qostanaıda áleýmettik mańyzy bar 20 taýardyń baǵasy arzandady
ASTANA. KAZINFORM — Qostanaı oblysynda sóre men kassadaǵy baǵanyń sáıkes kelmeý faktisi anyqtaldy, dep habarlaıdy QR SIM Qostanaı oblysy boıynsha Saýda jáne tutynýshylardyń quqyqtaryn qorǵaý departamentiniń baspasóz qyzmeti.
— «A-Market» sýpermarketinde shokolad plıtkasy sórede 445 teńge dep kórsetilgen. Alaıda kassada taýardyń baǵasy 460 teńge bolǵan. Tekserý nátıjesinde saýda sýbektisi ákimshilik jaýapkershilikke tartyldy. Іs qysqartylǵan tártippen qaralyp, 140 562,5 teńge kóleminde aıyppul salyndy. Bul — saýda oryndarynda baǵanyń durys kórsetilýi qanshalyqty mańyzdy ekenin kórsetetin mysal, — delingen habarlamada.
Vedomstvo jyl basynan beri 141 kásipkerdi ákimshilik jaýapkershilikke tartqan. Olardyń 135-i «Saýda qyzmetin retteý týraly» QR Zańynyń 9-baby 1-tarmaǵyn, ıaǵnı saýda ústemesiniń belgilengen mólsherden asyp ketýine jol bergen. Taǵy 6 kásipker sórelerde baǵa belgileriniń bolmaýyna baılanysty jaýapkershilikke tartyldy.
Memlekettik baqylaý jumysynyń nátıjesinde Departament áleýmettik mańyzy bar azyq-túlik taýarlarynyń baǵasyn tómendetti:
- kartop 235 tg/kg-nan 170 tg/kg-ǵa deıin nemese 38,2%,
- pııaz 330 tg/kg-nan 200 tg/kg-ǵa deıin nemese 65%,
- qyryqqabat 230 tg/kg-nan 195 tg/kg-ǵa deıin nemese 17,9%,
- sábiz 420 tg-dan 360 tg/kg deıin nemese 16,7%,
- «Rava» qııary 1900 tg/kg-nan 1380 tg/kg-ǵa deıin nemese 37,7%,
- «Mırında» qııary 650 tg/kg-nan 550 tg / kg-ǵa deıin nemese 18,2%,
- qyzanaq 1560 tg/kg-nan 1260 tg/kg-ǵa deıin nemese 23,8%,
- alma 850 tg/kg-nan 840 tg/kg-ǵa deıin nemese 1,2%-ǵa deıin,
- un birinshi sort 165 tg/kg-nan 144 tg/kg-ǵa deıin nemese 14,6%-ǵa deıin,
- jumyrtqa s-1 65 tg/danadan 60 tg/danaǵa deıin nemese 8,3%-ǵa deıin,
- qant 530 tg/kg-nan 490 tg/kg-ǵa deıin nemese 8,2%,
- qaraqumyq 370 tg/kg-nan 310 tg/kg-ǵa deıin nemese 19,4%,
- kúrish 470 tg/kg-nan 460 tg/kg-ǵa deıin nemese 2,2%,
- rojkı 450 tg/kg-nan 370 tg/kg-ǵa deıin nemese 21,6%,
- kúnbaǵys maıy 799 tg/dana 776 tg/dana deıin nemese 3%,
- shaı 1350 tg/dana 1265 tg/dana deıin nemese 6,7%,
- irimshik 4655 tg/kg bastap 4490 tg/kg deıin nemese 3,7%,
- aıran 1 kg 2,5% maı 470 tg/dana deıin 380 nemese 23,7%,
- taýyq eti 1241 tg/kg-nan 921 tg/kg-ǵa deıin nemese 34,7%.
Budan buryn elimizde bir apta ishinde áleýmettik mańyzy bar birqatar azyq-túlik arzandaǵanyn jazǵan edik.
